ازاي تحافظ على كروتك الفيزا 💳 من السرقات الـ Digital المنتشرة ..
١ ـ لو بتشتري من سوبر ماركت او بتدفع حساب مطعم او اي دفع فيزا، الكارت ميبعدش عن عينك ابدا، ولا تحطة فالتشيك ولا تسلمه للكاشير و ياخدو يتمشى بيه، ولا تسمحله ينزله تحت الكاونتر، ممكن يكون حاطط موبايل 📱 تحت بيصور فيديو و يصوره وش و ضهر في اقل من ثانية، خلاص كدة يقدر يشتري بيه اي حاجة تتخيلها .. متخيل؟ 😅
٢ ـ الـ CVV الكود السري اللي في خلف الكارت، ده اساس كل المشاكل، لو تقدر تحفظه صم او تكتبه ف ورقة تشيلها في مكان امين، و بعديها تمسحه من عالكارت اساسا سواء بالخدش او بالشطب اعمل كدة!
٣ ـ لما تشتري حاجة Online من خلال المتصفح او الـ Browser لازم و اساسي يكون في علامة قفل 🔒 على شمال اسم الموقع واضحة و صريحة و ده بيكون بروتوكول اتفاق بين المتصفح و بين الجهة المسجلة الحقيقية والمعتمدة .. او تستخدم البرنامج الاصلي لجهات موثوقة زي انا فودافون و اوبر و كريم و الحاجات دي غير كدة ابعد ..
٤ ـ لما تشتري Online اتعامل مع المواقع الموثوق فيها و بس، و ابعد تماما عن اي مواقع مشبوهة او مواقع الـ Porn و القرف ده، المواقع المشبوهة ممكن تقدملك خدمة رخيصة، بس ف المقابل بيسجلوا بيانات الكارت و يستغلوها بذكاء شديد بعدين ممكن بعد شهور او سنة، تلاقي نازلك عملية دفع بآلافات للـ Facebook Ads مثلاً مع انك معملتش اي حاجة !
اغلب عمليات السرقة بتكون بشكل غير مباشر، علشان النصاب ميفضحش نفسه زي خدمات الدفع الاونلاين اللي مش مرتبطة بعنوان ولا تليفون او اعلانات زي Facebook Ads وخد بالك لما بتيجي تشتكي للبنك ، البنك بيعتذرلك و يقولك منقدرش نسترد المبلغ .. المشكلة ان ممكن عملية السحب توصل لارقام كبيرة بالـ ١٠٠ الف جنيه و اكتر !
٥ ـ نصيحة مهمة جدا أأمن طريقة انك تطلب Prepaid Card مسبوق الدفع من البنك وبيكون رخيص جداً، و فضيه تماما من اي فلوس، و قبل كل عملية دفع تشحنه من الابليكيشن الخاص بالبنك بنفس قيمة الطلب و بعدين تتمم عملية الشراء ف نفس الوقت بحيث يصفر تاني، لكن لو معاك Credit 💳 Card مفتوح ، صدقني خبطته وحشة اوووووي…. اوووووووووووي !
٦ ـ متبعتوش يا جماعة ولا تملوا حد ارقام حساباتكم و ارقامكم السرية عالواتساب ولا الماسنجر حتئ لو صحابكم، و لو جالكم اتصال من اي جن ازرق حلفلكم ميت يمين انه من البنك، و بيطلب ارقامهم السرية او ارقام ظهر الكارت او رقم سري الخاص بالـ ATM اياكم تملوه اي رقم .. مسموحله فقط رقم الحساب او رقم الكارت الامامي الكبير غير كدة مفيش !
٧ ـ و اخيرا، نبهوا على كبار السن ان الكارت اللي ماسكه ف ايده، بمثابة انه ماسك حسابه بالكامل ف ايده، كلموهم بلغتهم هما و فهموهم ان مينفعش ابدا نتساهل ولا نسلمه
لحد ف الشارع يسحبلنا ولا نسيبه ف ايد بياع ببساطة ..
الموضوع فعلاً زاد النصب فيه جدا جدا لدرجة ان كل البنوك بقت تحذر عملاءها بشكل مستمر
وياريت تجيب المحفظه الممغنطة عشان السحب من خلال
الخاصه اللاتلامسيه wifi
ومش كل المواقع موثوقة وبتبعت oTP وده بيكون اكثر امان ومفيش حد يطلبه منك ولا حتي البنك
اشترك في بريدنا الالكتروني
0 تعليقات على " ازاي تحافظ على كروتك الفيزا 💳 من السرقات الـ Digital المنتشرة .."
إرسال تعليق